კოშკურა ამწეები
ბილდვეი ფრანგული ბრენდი პოტაინის (POTAIN) ოფიციალური და ექსკლუზიური წარმომადგენელია საქართველოში. მსოფლიოს მასშტაბით პოტაინის 100,000-ზე მეტი ერთეული კოშკურა ამწეა ექსპლუატაციაში. ბრენდი ცნობილია ინოვაციური მიდგომებით, მათ შორის თვითმწყობადი სისტემების პიონერული ტექნოლოგიებით.
კომპანიის შესახებ
პოტაინი (POTAIN) 1928 წელს საფრანგეთში დაარსდა და 2001 წელს ამერიკული გიგანტის, Manitowoc-ის ჯგუფის წევრი გახდა. დღეს კი კომპანია კოშკურა ამწეების წარმოების უპირობო გლობალური ლიდერია. ე-ბილდვეი საქართველოში პოტაინის ოფიციალური და ექსკლუზიური წარმომადგენელია. ეს პარტნიორობა ადგილობრივ დეველოპერულ სექტორს სთავაზობს ხარისხიან და ინოვაციურ ტექნიკაზე წვდომასა და საერთაშორისო სტანდარტების შესაბამის მომსახურებას.
რატომ ჩვენ?
გთავაზობთ სფეროს წამყვან ტექნიკასთან და ტექნოლოგიურად ინოვაციურ ამწეებთან ექსკლუზიურ წვდომას
ბილდვეის ტექნიკა დაზღვეულია მწარმოებლის მიერ, რაც მინიმუმამდე ამცირებს ბიზნესის რისკებს. ჩვენი სერვისი კი ხელმისაწვდომია 24/7-ზე
ჩვენი გუნდი ერთადერთია საქართველოში, რომელსაც საფრანგეთში, POTAIN-ის ქარხანაში აქვს გადამზადება გავლილი
POTAIN-ის ამწეები ცნობილია მცირე საექსპლუატაციო ხარჯითა და დაბალი ენერგომოხმარებით, რაც ამცირებს მშენებლობის რისკებსა და ხარჯებს
E-Buildway • ე-ბილდვეი
პოტაინის კოშკურა ამწეების ინოვაციური, მოდულური და ჰიდრავლიკური დიზაინი მნიშვნელოვნად მცირებს მონტაჟისთვის, დემონტაჟისა და ლოგისტიკისთვის საჭირო დროს. ტექნიკა გამოირჩევა მაღალი ენერგოეფექტურობით. ბილდვეის პარტნიორობა უზრუნველყოფს ოფიციალურ ქარხნულ გარანტიასა და პოტაინის ქარხანაში გადამზადებულ საინჟინრო გუნდის მხარდაჭერას. ეს გვეხმარება სამუშაო ვადების დაცვაში და ამცირებს გაუთვალისწინებელი ფინანსური დანაკარგების რისკს.
საინჟინრო გუნდი პასუხისმგებელია ტექნიკის 24-საათიან მხარდაჭერასა და ობიექტის რეგულარულ დიაგნოსტიკაზე. როდესაც პროცესს მართავენ უშუალოდ მწარმოებლის ქარხანაში გადამზადებული სერტიფიცირებული ინჟინრები, მნიშვნელოვნად მცირდება ხარვეზების აღმოფხვრის დრო და რისკები. ამასთან, გაქვთ გარანტია, რომ დაზიანების შემთხვევაში ნაწილები ნაცვლდება მხოლოდ ორიგინალი, ქარხნული ალტერნატივით.
მონტაჟისთვის საჭირო დრო დამოკიდებულია შერჩეულ მოდელსა და მშენებლობის სპეციფიკაზე. კომპაქტური თვითმწყობადი ამწეები ჰიდრავლიკური სისტემით შესაძლოა ერთ სამუშაო დღეშიც დამონტაჟდეს. ფართომასშტაბიანი ინფრასტრუქტურული პროექტებისთვის განკუთვნილი, ზედა მობრუნების სისტემის დასამონტაჟებლად კი, როგორც წესი, 2-დან 5 დღემდეა საჭირო.
დემონტაჟსაც დაახლოებით მსგავსი ვადები სჭირდება: ჰიდრავლიკური მოდელების დაშლასა და ობიექტიდან გაყვანას რამდენიმე საათი (მაქსიმუმ ერთ სამუშაო დღე) სჭირდება, თუ ადგილზე პრობლემა არ შეიქმნა. ხოლო უფრო მასშტაბური სისტემების სრული დემონტაჟი საშუალოდ 2-3 დღეს მოითხოვს.
პროექტის სპეციფიკასთან და სამშენებლო ლოკაციასთან შეუთავსებელი ტექნიკა ზრდის ინდუსტრიული ავარიების ალბათობას. მაგალითად, მსუბუქი მოდელისთვის განკუთვნილ ნიადაგზე არ შეიძლება მძიმე კოშკურა ამწის დადგმა – გრუნდი ჩაიჭრება და ტექნიკა გადაყირავდება. უკანა გაბარიტების არასწორად გათვლამ შესაძლოა დააზიანოს მიმდებარე ინფრასტრუქტურა. შეუსაბამო ელექტროენერგიის წყაროს გამოყენება კი თითქმის ყოველთვის მართვის ელექტრონული სისტემების მწყობრიდან გამოსვლით მთავრდება. ექსპერტის მიერ ამწის ინდივიდუალური პროექტირება საწყის ეტაპზე ამ რისკებს თავიდან აგარიდებთ.
